Ur vaouez anaveet mat e bro kemperlé ha pelloc'h eo Rejin Gwilhamot. Kelennerez àr ar yezhoù emañ, ampart àr ar brezhoneg kement ag ar saozneg.

Faot a ra dezhi krouiñ un tiegezh get brezhonegerion.ezed, ha perak pas kanerien.ezed kement hag ober!

"Diaes ken-ken eo afer ar lojeiz"

Hag e Kemperlé, ivez. Soñjet get Rejin neuze perak pas en em vodañ asamblez evit preniñ un ti, get ur priz izeloc'h peogwir eo ur raktres a-stroll, etre tud a gomz brezhoneg?

Ar pal hervez Rejin a zo "krouiñ un dra yac'h ha nevezus a-walac'h". War ar priñsip eo mennet ur bochad tud. Met hervezh Rejin, "kalz tud a lâr [... ] dispar ag ar choej, dreist..." Met evit ar poent n'eus ket kalz a respontoù fetis. Goulenn a ra get an dud da gomz get ar re arall evit kavout ar re a vo intereset get ar raktres.

Kavet eo an ti

280 000 euro, evit ar poent. Met hrewezi e c'heller krouiñ ar raktres a-stroll, ha kinnig traoù. Ur raktres evit hiniennoù kentoc'h evit ur familh.

Titoutoù ouzhpenn da-heul an atersadenn: goude un emvod get an ti-kêr eo tost ar servij a ra àr-dro ar lojeiz da souten ar raktres.

Un atersadenn get Enora Molac.