1000 familh, ha brezhoneg er gumuniezh

Ce podcast a été intégralement enregistré en langue bretonne. Pour lire le texte en français, rendez-vous en bas de la page et sélectionnez "FR".

Lan a raktresoù a vez kavet evit souten ar brezhoneg. Un tamm sklerijenn a zo lakaet e abadenn SOFA hiriv àr kinnigoù talvoudus hag awenus e fin ar blez-mañ.

1000 familh, ha penaos adkrouiñ ur liamm arall get ar vugale evit ma vo komzet brezhoneg 'maez ar skol

En em harpet eo Matyas Lebrun àr studioù hag oberezhioù minorelezhioù arall er bed, en o mesk ar bobl Maori get o yezh, an Te Reo. 5 peul a harp ar raktres 1000 familh, a vo dalc'het àr 10 vlez e Breizh. 130 familh a zo enskrivet dija evit kemer perzh, a-houde miz Gwengolo 2025. Un atersadenn a vo da glevout en he-fezh en abadenn Gouloù-noz get Liza Jarkez-Vargas (Radio Naoned) e miz Genver.

Emañ Régine o klask tud evit sevel un ti brezhonegerion.ezed

"Diaes ken-ken eo afer al lojeiz" eme Régine Gwilhamot. Soñjet geti neuze perak pas en em vodañ asamblez evit preniñ un ti, get ur priz izeloc'h peogwir eo ur raktres a-stroll, etre tud a gomz brezhoneg?

Ar pal hervez Régine a zo "krouiñ un dra yac'h ha nevezus a-walac'h". War ar priñsip eo mennet ur bochad tud. Met hervezh Régine, "kalz tud a lâr [... ] dispar ag ar choej, dreist..." Met evit ar poent n'eus ket kalz a respontoù fetis.

Kaolila, Tanork, Blue Glaz ha Startijenn evit GBB 2026

"Setu ar 4 anv kentañ dispaket get ar festival" eme Claire Le Moing, kenurzhierez ar gouel. Pasoù 3 devezh a zo da werzhiñ betag Nedeleg, marc'hadmatoc'h en avañs.

En abadenn e adkavehet ivez maouezed Kenleur Manon Le Querler ha Youena Baron, àr ar c'hrouiñ evit ar c'helc'hioù keltieg, àr un diazez hengounel.

Reko An Nedeleg: Nedeleg e Breizh, Cantilène