Brewen Favrau ha Veronique Bourjot evit o abadenn Iwerzhoniz a Vreizh

Veronique Bourjot a zo ur ganerez ha kelenerez kan o chom e Rostren. Brewen Favrau a zo soner uileann-pipe o chom e-kichen Rostren. Sorc'hennet int o daou gant Iwerzhon mes dreist-holl gant istorioù an dud, ar re a zo tro-dro dezho mes ivez ar re bet pell 'zo, hag al liammoù a vez etreze. Pa gaozer gante, vênt kat ordin da gontañ deoc'h buhez den-mañ-den. Evit an abadenn "Iwerzhoniz a Vreizh" o deus bet c'hoant da gontañ istor ur strollad tud. Harluidi, iwerzhoniz o tont da Vreizh er XVIIvet kantved. Pa vez ket moan ha treut roudoù an harlu-mañ, penaos kontañ istor daou bobl o deus n'em gavet asambles ? Setu o labour, o ijin, o zalvoudegezh 'vel sonerien ha sonerezed hag evel tud digor.